కొన్ని సమయాలలో ఎత్తైన ప్రాంతాలలో ,ముక్కు నుంచి రక్తం కారుతుంది ఎందుకు?

ఎత్తైన ప్రాంతాలలో వాతావరణ పీడనం తగ్గిపోతుంది.వాతావరణ పీడనం కంటే రక్త పోటు ఎక్కువ కావడం వల్ల ముక్కు నుంచి రక్తం కారడం ప్రారంభమౌతుంది

చంద్ర సముద్రం అంటే ఏమిటి?

చంద్ర సముద్రం అంటే ఏమిటి?

చంద్రుడి మీద కనిపించే నల్లటి మైదానాన్నే ' చంద్ర సముద్రం ' అంటారు.

గొలుసు లాగితే రైలు ఎందుకు ఆగిపోతుంది?

రైల్లో బ్రేకులు వ్యాక్యూం పద్ధతిలో పని చేస్తాయి.గొలుసు లాగినపుడు వ్యాక్యూం తొలగిపోయి ,గొట్టాల్లోకి గాలి ప్రవేశిస్తుంది.ఇది బ్రేకుల మీద ఒత్తిడి ఏర్పరుస్తుంది.దీనివల్ల చక్రాలు స్తంభించి రైలు ఆగిపోతుంది.

బాగా చలిగా ఉన్న రోజు చేతుల్ని వేడెక్కించడానికి చేతుల మీద నోటితో ఊదుకుంటాం ,ఐతే మనం తాగే కాఫీ వేడిగా ఉన్నపుడు ,దానిని చల్లబరచడానికి దాని మీద కూడా గాలిని ఊదుతాం,దీనిని ఎలా వివరించగలవు?

బాగా చలిగా ఉన్న రోజు ఒక వ్యక్తి తన చేతుల మీద గాలి ఊదుకునేటప్పుడు నోరు బాగా తెరిచి ఊదుతాడు.నోటి నుంచి బయటకు వచ్చే గాలి ఉష్ణోగ్రత, శరీర ఉష్ణోగ్రతకు సమానంగా ఉంటుంది.ఆ విధంగా చేతులను వేడి చేసుకుంటాడు.ఐతే బాగా వేడిగా ఉన్న కాఫీని ఊదేటప్పుడు నోటిని అంత విశాలంగా తెరవడం జరగదు.బయటకు వచ్చే గాలి అత్యంత ఇరుకైన దారి గుండా మాత్రమే వస్తుంది.కాబట్టి బయటకు వచ్చే గాలి చల్లగా ఉంటుంది.ఈ కారణం వల్లనే అధిక పీడనం నుంచి అల్ప పీడనానికి ఒక కంత ద్వారా వాయువు ప్రసరిస్తున్నపుడు శీతలీకరణ ప్రభావం ఉత్పన్నమౌతుంది

డబుల్ డెక్కర్ బస్సు లో పై అంతస్తులోని ప్రయాణీకులను నిలబడనివ్వరు, ఎందుకు?

బస్సు గరిమనాభి పెరగకుండా ఉండడానికి ఇలా చేస్తారు.సమతుల్యత దెబ్బ తిని బస్సు పక్కకి ఒరిగిపోకుండా ఉండడానికి ఇది అవసరం.

కాంక్రీటు రోడ్లను దీర్ఘ చతురస్రాకార పలకలుగా రూపొందిస్తారు ఎందుకు?

ఎండాకాలంలో కాంక్రీటు రోడ్లు బాగా వేడెక్కి వ్యాకోచిస్తాయి.ఫలితంగా రోడ్డు మీద బీటలు పడే అవకాశం ఉంటుంది.కాంక్రీటు రోడ్డు దీర్ఘ చతురస్రాకారపు పలకలు వేడెక్కినపుడు వాటి మధ్య వేసినటువంటి తారును బయటకు నెడతాయి.అందువల్ల బీటలు వరే అవకాశం ఉండదు.

బాగా లోతైన బావి అడుగు భాగం నుంచి మధ్యాహ్నం పూట కూడా మనం నక్షత్రాలను చూడగలమా?

చూడగలం.ఎందుకంటే నక్షత్రాల నుంచి వచ్చే వెలుగు సూర్య కిరణాల వల్ల అణగిపోదు.సూర్య కిరణాలు బావికి అంచుకు అడ్డంగా,తిర్యక్కుగా ఉంటాయి.కొన్ని నక్షత్రాలు నేరుగా బావి అడుగుకు కనిపించేట్లు ప్రకాశిస్తాయి.