బాగా చలిగా ఉన్న రోజు చేతుల్ని వేడెక్కించడానికి చేతుల మీద నోటితో ఊదుకుంటాం ,ఐతే మనం తాగే కాఫీ వేడిగా ఉన్నపుడు ,దానిని చల్లబరచడానికి దాని మీద కూడా గాలిని ఊదుతాం,దీనిని ఎలా వివరించగలవు?

బాగా చలిగా ఉన్న రోజు ఒక వ్యక్తి తన చేతుల మీద గాలి ఊదుకునేటప్పుడు నోరు బాగా తెరిచి ఊదుతాడు.నోటి నుంచి బయటకు వచ్చే గాలి ఉష్ణోగ్రత, శరీర ఉష్ణోగ్రతకు సమానంగా ఉంటుంది.ఆ విధంగా చేతులను వేడి చేసుకుంటాడు.ఐతే బాగా వేడిగా ఉన్న కాఫీని ఊదేటప్పుడు నోటిని అంత విశాలంగా తెరవడం జరగదు.బయటకు వచ్చే గాలి అత్యంత ఇరుకైన దారి గుండా మాత్రమే వస్తుంది.కాబట్టి బయటకు వచ్చే గాలి చల్లగా ఉంటుంది.ఈ కారణం వల్లనే అధిక పీడనం నుంచి అల్ప పీడనానికి ఒక కంత ద్వారా వాయువు ప్రసరిస్తున్నపుడు శీతలీకరణ ప్రభావం ఉత్పన్నమౌతుంది